ضعف الطالب وسبب عدم القدرة على درجة النجاح

•  ضعف_الطالب .... تابع اهم نصائح والإرشاد التربوي أضغط هنا 

•  للاسف الشديد والكبير والمحبط جداً صار الطالب العراقي طالب اتكالي.

شنو معنى اتكال ؟

- اعتماد المرء على غيره.

وفعلا هذا واقع حال ٨٠% من الطلاب ، اعتمادو على المدرس او على قرارات تركيعية من الوزارة  ...الخ

يعني المدرس وصل بي الحال يركض ورا الطالب بس حتى يمتحنو او ياخذو محاضرة ! بينما العكس هو الصحيح .. اتذكر كنت طالب ، كنت اركض ورا المدرس علمود ياخذنا درس او يعلمنا علم او يمتحنا امتحان! هسه الاية نعكست.

مو بس هيج ، صار الطالب يعتمد ١٠٠% او ٩٥% على الاستاذ بالمادة ، يعني لازم الأستاذ ينطي كلشي على طبق من ذهب وجاهز وحاضر بدون ما يتعب الطالب بالبحث او الاستنتاج او التفكير اصلا ! لازم ينطي الاسئلة والاجوبة كلها كوبي بيست والطالب يدرخ وراه مثل الببغاء.

اتذكر قبل الاستاذ يشرحنا فكرة الموضوع وينطينا القوانين ويحلنا كم مثال تطبيقي اثنين او ثلاثة وينطينا واجبات نروح نفكر بيها حتى نتعب بيها ونحلها ونحس بالدرس !

هسه ؟  شنو هسه ؟

• هسه كلشي متوفر للطالب ، حرفيا كلشي ، ملازم ، وزاريات ، اجوبة ، شرح ، وكل هذا متوفر وهو مو طالع من بيتو هههه لا من غرفتو حتى !!!!!!! واحنا قبل اللي عندو هاي الامور متوفرة  نسميه ملك زمانه والمدلل والمفروض يطلع الأول على المدرسة والدفعة !!! وكان نادر جدا اللي تتوفرلو هاي الامور ..

لكن الآن  ؟ شنو الآن  ؟

الكللللللللل متوفرلو هالشي والقلة اللي تطلع من حقو !

زين ليش ؟ لان طالب اتكالي .. غير تفكيرك ماعندك عذر او حجة .. غير نفسك.

والسلام عليكم

• موقع التعليم الشامل على تليكرام 
• اضغـط هنا للمشاهده